Salman Khan ne apni 59th birthday kal Jamnagar me ek grand party ke saath celebrate ki. Is celebration me family aur close friends shamil huve. Atul Agnihotri ne ek video share kiya jo is special moment ko capture karta hai.

Video me Salman aur unki bhanji Ayat dikh rahe hai, jo unhi ke din apni birthday celebrate karti hai. Salman ne black shirt aur jeans pehni huvi thi aur unhone Ayat ko apne arms me liya huva tha jab dono ne multi-tiered cake kaata. Family members jaise Salma Khan, Helen, Arpita, Aayush, Alvira, Arhaan aur Nirvan wahan maujud the, sabne cheer kiya aur birthday song gaya. Event fireworks ke saath khatam huva.

Venue ko lights aur decorations se beautifully adorn kiya gaya tha, aur background me Salman Khan ke hit songs baj rahe the. Atul Agnihotri ne video post karte huve caption likha, “Celebrating @beingsalmankhan and #ayatsharma’s birthday.”

View this post on Instagram

A post shared by Atul Agnihotri (@atulreellife)

Sohail Khan ne ek picture share ki Nirvan aur Arhaan Khan ke saath, jo ek sign ke paas khade hai jisme likha tha, “(Love) you Bhaijaan.” Deanne Panday ne bhi Jamnagar ke celebration ki kuch glimpses share ki, jisme venue ke amazing decorations dikhaye gaye.

Work front per, Salman Khan ki agli film Sikandar ka teaser release ho chuka hai. Is 80-second clip me Salman ek action-packed avatar me dikhte hai, jisme wo armored foes ke against fight karte hai. Striking silhouette ke saath unke character ko introduce kiya gaya hai, jo mystery aur strength exude karta hai, aur ek thrilling drama ka promise karta hai.

Directed by AR Murugadoss aur produced by Sajid Nadiadwala, Sikandar ek high-octane action spectacle hogi. Ye film Eid 2025 per release hogi, aur cast me Salman Khan ke saath Rashmika Mandanna, Sathyaraj, Prateik Babbar, Kajal Aggarwal aur Sharman Joshi shamil hai.

Suriya ki highly awaited film Kanguva 14 November ko theatres mein release huvi, aur fans mein kaafi excitement dekhne ko mila. Yeh film Bobby Deol aur Disha Patani ka Tamil debut bhi hai. Shuruaat mein film ko positive reviews mile, lekin social media per logon ne jaldi hi critical feedback dena shuru kiya. Yeh response dekh Thalapathy Vijay ke fans khush hai, kyunki unki film Greatest of All Times (GOAT) ab tak saal ki top-grossing Tamil movie bani huvi hai.

Kanguva Disaster Ko Mile Mixed Reviews Early Positivity Ke Baawajood

Kanguva ke first shows subah 7 baje tak shuru ho gaye the kuch cities mein, aur Suriya ke fans excitedly theatres mein pohonche. Pehle toh social media per positive feedback aaya, lekin din ke saath logon ka mixed response dekhne ko mila. Social media per mid-day tak balanced opinions share hone lage, jahan kuch logon ne film ke kamiyan discuss kiye.

X (jo pehle Twitter tha) per users ne Kanguva ko leke mixed feedback diya, jismein predictable story, low-quality VFX, aur loosely written plot ko criticize kiya gaya. Halaanki, lead actors ke performances ko fans ne appreciate kiya. Yeh criticism badhte he “Kanguva disaster” ka trend bhi social media per popular ho gaya.

Thalapathy Vijay Fans Ne Kanguva Disaster Trend Per Khushi Manayi

Kollywood industry me unity toh hai, lekin fans ka divide kaafi evident hai, especially Suriya aur Vijay ke beech ke rivalry mein. Kanguva ki release ne is fan war ko aur bhadka diya hai, jahan Vijay aur Suriya ke followers apni-apni taraf se support kar rahe hain. Vijay ke fans ko pura yakeen hai ki GOAT ₹224.99 crore ka India collection ke saath saal ki sabse badi Tamil hit bani rahegi.

Dusri taraf, Suriya ke fans ka bhi yeh maanna hai ki Kanguva easily GOAT ke collection ko cross kar sakti hai. Interesting baat yeh hai ki dono films alag time zones mein set hai aur dono lead actors ne double roles perform kiye hai.

Jab tak Kanguva apni box office journey chalayegi, Suriya aur Vijay fans ke beech yeh rivalry aur bhi intense hone ka chances hai. Chahe Kanguva GOAT ko surpass kare ya nahi, lekin Tamil cinema ke liye fans ka yeh enthusiasm aur passion clearly dekhne ko mil raha hai.

Tollywood ka blockbuster sequel Pushpa 2: The Rule, jisme Allu Arjun lead role mein hai, 5 December 2024 ko worldwide release hone wala hai. Director Sukumar ke direction mein bani is film ka craze fans ke beech abhi se dekhne ko mil raha hai aur sabhi iske release ka besabri se intezaar kar rahe hain.

Ab fans ke excitement ko aur badhane ke liye, makers ne social media pe announce kiya hai ki Pushpa 2 ka theatrical trailer 17 November 2024 ko shaam 6:03 baje launch kiya jayega. Announcement ke saath ek dhamakedar poster bhi share kiya gaya, jisme Allu Arjun apne massy avatar mein gun ke saath swag dikhate nazar aa rahe hai. Trailer launch event Patna mein hoga, jisse fans ke liye yeh ek badi celebration hogi.

Pushpa 2: The Rule

ek pan-India film hone ja rahi hai, jisme Rashmika Mandanna female lead hai aur Fahadh Faasil ek powerful villain ke role mein wapas aa rahe hai. Cast mein Sunil, Ajay, Jagadeesh, Anasuya aur naye star Sreeleela bhi hain, jo film ke narrative ko aur bhi impactful banayenge.

Mythri Movie Makers ke banner tale bani is film ki music Devi Sri Prasad ne compose ki hai, aur Thaman ne bhi extra scores diye hain, jo ek electrifying cinematic experience dene ka wada karte hai. Trailer launch ab door nahi, aur fans ko is film se aur bhi exciting updates milne ki umeed hai jaise release date kareeb aati hai.

Sources ke mutabik, JioCinema ke business head Ferzad Palia apni position se resign karne wale hai. Palia kuch mahine tak company mein rahenge, taaki Viacom18 aur Disney ke merger ke transition smoothly ho sake.

Palia, Viacom18 group ke ek important employee rahe hain aur unhone pichle 20 saalon mein digital aur media platforms par kai consumer-facing businesses ko lead kiya hai. JioCinema mein, Palia subscription video-on-demand (SVOD) aur ad-supported business ke zimmedar the.

April 2024 mein JioCinema ke premium offering launch ke baad,

sirf 6 mahine mein platform ne lagbhag 20 million paid subscribers hasil kiye. Ad-supported segment mein, Palia ne platform ko 250 million se zyada monthly active users attract karne mein madad ki.

Isse pehle, Palia Voot Select, Viacom18 ka OTT premium offering launch karne mein bhi kaafi madadgar rahe jo baad mein JioCinema mein integrate kiya gaya. Wo youth, music aur English entertainment ke head bhi rahe hain, aur English General Entertainment mein Viacom18 ke expansion ko bhi unhone hi conceptualize aur lead kiya.

Noida aur Mumbai Police ne ek joint operation mein ek shakhs ko giraftaar kiya, jo Bollywood superstar Salman Khan ko Lawrence Bishnoi ke bhai hone ka natak karte huve Rs 10 crore ki ransom maang raha tha. Giraftaar kiye gaye shaks ka naam Taib Ansari hai, jo ki Bareilly, Uttar Pradesh ka rehne waala hai aur ek under-construction makan mein mistri ke roop mein kaam kar raha tha.

ek Shakhs ne Salman Khan ko Dhammki di

Jitendra Kumar Singh, Inspector-in-charge, Sector 39 Police Station ke mutabiq, Bandra Police ne Noida Police ko Monday raat ko inform kiya ki Salman Khan ko dhammki di gayi hai aur phone location Noida mein trace huvi hai. Bandra Police ke Assistant Sub Inspector Rauf Shaikh apni team ke saath Noida aaye aur joint team ne Sector 92 mein raid kar Ansari ko giraftaar kiya.

Police kehte hain ki Ansari ne dhammki phone karne ke liye Mumbai Police ke ‘helpline’ number ka istemaal kiya, jo usne internet se prapt kiya tha. Mumbai Police ka kehna hai ki Ansari ko transit remand par Maharashtra le jaya jayega, jahan Gautam Buddha Nagar district court mein usse produce kiya jayega.

Is operation mein mobile phone bhi recover kiya gaya jo is incident mein istemaal hua tha aur police ab takke investigation mein lagi huvi hai.