Rahul Gandhi: Jab Vaccine Free Hai To Private Hospital Mein Paise Kyun Liye Ja Rahe?

PM Modi Ne Kaha Hai Ke Abtak Desh Ke Karodon Logon Ko Muft Vaccine Mili Hai, Ab 18 Saal Kee Aayu Ke Log Bhi Isme Judh Jaenge

New Delhi: Congress Neta Rahul Gandhi Ne Sawaal Uthaya Hai Ki Jab Vaccine Sabke Liye Free Hai To Private Hospital Iske Liye Paise Kyun Le Rahe Hain? Rahul Gandhi Ka Ye Bayaan PM Narendra Modi Ke Desh Ke Naam Us Sambodhan Ke Baad Aaya Hai Jisme Unhone Kaha Hai Ki Abtak Desh Ke Karodon Logon Ko Muft Vaccine Mili Hai. Ab 18 Saal Ke Aayu Ke Log Bhi Isme Jud Jayenge. Sabhi Desh Vaasiyon Ke Liye Bharat Sarkar Hi Muft Vaccine Farham Karwayegi. Unhone Kaha Ki 21 June (International Yoga Day) Ke Baad Se 18 Saal Se Badi Umar Ke Sabhi Nagarikon Ke Liye Bharat Sarkar, States Ko Vaccine Provide Karayegi. Vaccine Ka 75% His‍sa Central Government Khareedkar State Governments Ko Muft Muhaiya Karayegi.

Corona Virus Ki Second Wave Mein Desh Mein Bigde Halaat Aur Vaccination Policy Mein Kathit Gadbadiyon Ko Lekar Rahul Gandhi PM Modi Aur BJP-Led Central Government Par Lagataar Hamle Kar Rahe Hain. Rahul Gandhi Ne Sunday Ko Bhi Modi Sarkar Ko Nishana Banaya Tha.

Former Congress President Rahul Gandhi Ne Ravivaar Ko Twitter Par Kendr Sarkar Par Nishana Saadha Tha. Beete Dino Twitter Par Blue Tick Ko Lekar Uthe Vivaad Ke Bahane Tanj Kaste Huwe Rahul Ne Kaha Ki Modi Sarkar Blue Tick Ke Liye Ladh Rahi Hai. Janta Ko Agar Coronavirus Ka Teeka Chahiye To Woh Aatmanirbhar Bane.

Rahul Gandhi Ne Tweet Kiya, Blue Tick Ke Liye Modi Sarkar Ladh Rahi Hai- Covid Vaccine Chahiye To Aatmanirbhar Bano! Darasal Twitter Ne Do Din Pehle Desh Ke Vice President Venkaiah Naidu, Rashtriya Swayamsevak Sangh (RSS) Chief Mohan Bhagwat Samet Kayee Leaders Ke Twitter Handle Se Blue Tick Hata Diya Tha. Kisi Bhi Twitter Handle Par Blue Tick Verified Account Ki Pushti Karta Hai.

Prime Minister Narendra Modi Ne Aaj Apne Bayaan Mein Khaaskar States Ke Central Ki Vaccination Policy Ko Lekar Kee Gayi Aalochna Par Khulkar Apni Baat Rakhi. PM Modi Ne Kaha Ki Raajyon Ne Hi Kaha Tha Ki Unhe Vaccine Kharidne Aur Vaccination Karne Ka Adhikar Diya Jaye Aur Youth Ko Bhi Vaccine Lagayi Jaye. Lekin Unhe Is Abhiyaan Ki Rukawat Aur Mushkilaat Ka Ehsaas Ab Ho Gaya Hai.

Pm Modi Ne Kaha Ki 21 June Se Desh Ke Har State Mein 18 Saal Se Badi Umar Ke Sabhi Citizens Ke Liye Central Government Free Vaccine Muhaiya Karawayegi. Vaccine Manufacturers Ki Kul Keemat Ka 75 Percent Hissa Khud Hi Central Government Bardasht Karegi. States Ko Corona Vaccine Par Kuch Bhi Kharch Nahi Karna Hoga. Desh Mein Ban Rahi Vaccine Mein 25 Percent Private Hospital Le Paye, Iski Arrangements Jaari Rahegi. Private Hospital 150 Rupay Hi Service Charge Le Payenge. Iski Nigaraanee State Governments Hi Karengi.