Mahsi subdivision, Bahraich district, Uttar Pradesh mein wolf attacks ke baad zindagi ek tarah se ruk gayi hai. Aath saal ke ek ladke par Friday ko wolf ne hamla kiya jab wo apne ghar ke bahar khel raha tha, aisa uske maa-baap ka kehna hai.
Ladke ke chehre per bhi chot aayi hai aur use hospital mein admit karaya gaya hai, jaisa PTI ne ek government doctor ke hawale se bataya.
TOI ki report ke mutabiq, wolf attacks mein
ab tak kam se kam 9 logon ki jaan ja chuki hai aur 24 log injured ho chuke hain, jiski wajah se poore gaon mein afra-tafri ka mahaul hai. Dar ke chalte gaon ke bachche bahar jaane se katra rahe hain aur school khaali padhe hain. Kisaan khet mein kaam karne nahi ja rahe aur markets bhi zyada tar band hain.
Gaon walon ne apni suraksha ke liye groups banaye hain, jo baari-baari patrol karte hain taaki bachchon aur pashuon ki safety banayi ja sake.
Indian Express ke mutabiq, state forest department ke lead mein administration ne ab tak char wolves ko pakda hai. Kam se kam do aur wolves jo is area mein active hain, unko pakadne ke liye combing operation chal raha hai.
TOI ki ek aur report mein bataya gaya hai ki iss crisis ko handle karne ke liye Wildlife Institute of India (WII), Dehradun ki ek chaar-member team Bahraich pahunchi hai. Yeh team wolf attacks ka pattern samajhne, unko pakadne ke tareeke dhoondhne, aur man-animal conflicts ko kam karne ki strategy banane mein madad karegi.
