Connect with us

Entertainment

Salman Khan ko maut ki dhamki paisa lene ki chaal hai: Salim Khan

Salim Khan ne kaha ke Lawrence Bishnoi ki Salman Khan ko di gayi maut ki dhamki sirf paisa lene ke liye ek chaal hai, unka blackbuck case se koi lena dena nahi

Published

1 year ago

on

Salman Khan ko maut ki dhamki paisa lene ki chaal hai: Salim Khan

Salman Khan ke khilaaf Lawrence Bishnoi ke death threats ko veteran screenwriter Salim Khan ne sirf ek “extortion” ki chaal bataya hai. Salim Khan ka kehna hai ki Salman Khan 1998 ke blackbuck case mein kabhi involved nahi the, aur Bishnoi ka yeh kehna ki Salman ko maafi tab milegi jab wo jaanwar maarne per maafi maangenge, bilkul galat hai kyunki Salman ne aisa kuch kiya hi nahi.

ABP News ko diye ek interview mein, Salim Khan se Salman ke blackbuck incident mein alleged involvement ke baare mein poocha gaya jo Rajasthan mein “Hum Saath Saath Hai” ki shooting ke dauran huva tha. Salim ne kaha, “Salman ko jaanwaro se bohot pyaar hai. Uske paas ek dog tha jise wo bohot pyaar karta tha, jab wo mar gaya toh Salman roya tha. Maine usse poocha, ‘Blackbuck incident mein tumhara kya role tha?’ Usne kaha, ‘Main wahan tha hi nahi.’ Wo mujhse kabhi jhoot nahi bolta. Usse jaanwar maarne mein koi dilchaspi nahi hai, wo jaanwaro se pyaar karta hai.”

Salim Khan ne yeh bhi bataya ki unke ghar mein kabhi kisi ne gun use nahi ki, toh shikar karne ka sawaal hi paida nahi hota. Baba Siddique, jo Salman ke kareebi dost the, unki brutal murder Bandra mein huvi thi aur allegations lage ki Lawrence Bishnoi ke gang ka haath tha. Yeh bhi kaha gaya ki Salman Khan ke blackbuck case ne iss murder ko trigger kiya tha, kyunki Baba Siddique superstar ko protect kar rahe the.

Salman Khan ke Bishnoi community se maafi maangne ke baare mein jab poocha gaya,

Salim Khan ne kaha, “Agar wo maafi maangta hai toh iska matlab hoga ki wo crime accept kar raha hai jo usne kabhi kiya hi nahi. Salman ne kisi jaanwar ko nahi maara, na hi maine, humne kabhi ek cockroach tak nahi maara.”

Isi beech, Navi Mumbai police ne ek shakhs ko Haryana se arrest kiya, jo allegedly Salman Khan ke Panvel farmhouse ka recce kar raha tha February mein. Yeh mana jaa raha hai ki Salman Khan par hamla karne ki yeh doosri planning thi, pehli planning Bandra mein unke ghar ke baahar firing ke roop mein April 14 ko hui thi.

Mumbai aur Navi Mumbai mein Salman Khan ke khilaaf planning karne ke peeche Lawrence Bishnoi ka haath mana jaa raha hai, aur police ka yeh maan na hai ki yeh Bishnoi ki taraf se Mumbai mein apni jagah banane aur extortion shuru karne ki koshish hai.

Related Topics:
Continue Reading
Advertisement
Click to comment

Leave a Reply

Your email address will not be published. Required fields are marked *

Entertainment

Sunny Sanskari Ki Tulsi Kumari Hindi trailer out now

Watch Sunny Sanskari Ki Tulsi Kumari trailer starring Varun Dhawan, Janhvi Kapoor, Sanya Malhotra aur Rohit Saraf, directed by Shashank Khaitan.

Published

3 months ago

on

September 23, 2025

By

Sunny Sanskari Ki Tulsi Kumari Hindi trailer out now

Watch the official trailer of Hindi movie ‘Sunny Sanskari Ki Tulsi Kumari’ featuring Varun Dhawan, Janhvi Kapoor, Sanya Malhotra aur Rohit Saraf. Movie ko direct kiya hai Shashank Khaitan ne aur produce kiya hai Hiroo Yash Johar, Karan Johar, Adar Poonawalla, Apoorva Mehta aur Shashank Khaitan ne. Aur details ke liye ‘Sunny Sanskari Ki Tulsi Kumari’ ka trailer video dekhiye.

Continue Reading

Entertainment

Kantara: A Legend Chapter 1 Hindi Trailer out now

Watch Kantara: A Legend Chapter 1 Hindi trailer starring Rishab Shetty, Rukmini Vasanth aur Gulshan Devaiah, directed by Rishab Shetty.

Published

3 months ago

on

September 23, 2025

By

Kantara: A Legend Chapter 1 Hindi Trailer out now

Watch the official trailer of Hindi movie ‘Kantara: A Legend – Chapter 1’ featuring Rishab Shetty, Rukmini Vasanth aur Gulshan Devaiah. Movie ko direct kiya hai Rishab Shetty ne aur produce kiya hai Vijay Kiragandur ne. Aur details ke liye ‘Kantara: A Legend – Chapter 1’ ka trailer video dekhiye.

Continue Reading

Entertainment

Tu Meri Poori Kahani teaser out, watch now

Watch official teaser of Tu Meri Poori Kahani starring Hirranya Ojha, Arhaan Pateel, Shammi Duhan, Tigmanshu Dhulia aur Juhi Babbar.

Published

3 months ago

on

September 23, 2025

By

Tu Meri Poori Kahani teaser out, watch now

Watch official teaser of Hindi movie ‘Tu Meri Poori Kahani’ featuring Hirranya Ojha, Arhaan Pateel, Shammi Duhan, Tigmanshu Dhulia aur Juhi Babbar. Movie ko direct kiya hai Suhrita Das ne aur produce kiya hai Ajay Murdia ne. Aur details ke liye ‘Tu Meri Poori Kahani’ ka teaser video dekhiye.

Continue Reading

Entertainment

Game of Thrones ke Jaime Lannister Bengaluru Cafe me

Game of Thrones ke Jaime Lannister ko play karne wale Danish actor Nikolaj Coster-Waldau Bengaluru ke Rameshwaram Cafe me dekhe gaye.

Published

5 months ago

on

July 27, 2025

By

Jaime Lannister enjoys South Indian food in Bengaluru
(Photo | social media)

Game of Thrones star Nikolaj Coster-Waldau ne Bengaluru ke mashhoor Rameshwaram Cafe ka visit kiya, jahan unhe idli aur dosa ka maza lete huve dekha gaya. Unka yeh visit tab viral ho gaya jab ek local content creator, Shakira, apne liye video record kar rahi thi aur achanak camera frame mein Nikolaj aa gaye.

Shakira ne turant unhe pehchana aur selfie ke liye approach kiya, jise Nikolaj ne smile ke saath accept kiya. Actor ek simple black shirt aur cap mein dikhai diye aur unke saath do aur log bhi the – shayad unki team ke members.

Cafe ne bhi apne official Instagram handle per Nikolaj ke saath photo share ki, caption mein likha, “Today, we had the honour of hosting the incredibly talented Nikolaj William Coster-Waldau. Thank you for choosing our South Indian flavours.”

Social media per fans ka reaction zabardast tha:

  • “Omg from Kings Landing to Bangalore!”
  • “That’s the real KINGSLAYER!”
  • “Bas ek baar mujhe bhi Rameshwaram Cafe jaana hai ab!”

Nikolaj Coster-Waldau, jinhone HBO ke Game of Thrones mein Jaime Lannister ka role play kiya tha, duniya bhar mein famous hai. Unko Outstanding Supporting Actor ke liye do baar Emmy nominations bhi mil chuke hai. Unki upcoming series King and Conqueror jaldi BBC per release hone wali hai jiska trailer 25 July ko drop huva hai.

Continue Reading

Entertainment

Smriti Irani Returns as Tulsi! Kyunki Saas Bhi Kabhi Bahu Thi 2

Published

5 months ago

on

July 7, 2025

By

Smriti Irani, Tulsi Virani Kyunki Saas Bhi Kabhi Bahu Thi 2

25 saal baad Smriti Irani, Tulsi Virani banke Kyunki Saas Bhi Kabhi Bahu Thi 2 mein wapas aa gayi hain. Pehla look leak ho gaya!

Smriti Irani Returns as Tulsi! Kyunki Saas Bhi Kabhi Bahu Thi 2

Smriti Irani wapas aa gayi hain Kyunki Saas Bhi Kabhi Bahu Thi 2 mein

25 saal baad, Smriti Irani phir se Tulsi Virani bankar wapas aa gayi hain Kyunki Saas Bhi Kabhi Bahu Thi 2 mein, aur leaked pehla look fans ko excited kar raha hai.

Politics se prime time tak, Smriti ka yeh comeback TV par phir se drama aur emotion lekar aane wala hai. Fans ke liye yeh nostalgia trip se kam nahi hoga.

Kya aap taiyaar hain India ki sabse pyaari bahu ko wapas dekhne ke liye?

Continue Reading

Trending