Tollywood ka blockbuster sequel Pushpa 2: The Rule, jisme Allu Arjun lead role mein hai, 5 December 2024 ko worldwide release hone wala hai. Director Sukumar ke direction mein bani is film ka craze fans ke beech abhi se dekhne ko mil raha hai aur sabhi iske release ka besabri se intezaar kar rahe hain.

Ab fans ke excitement ko aur badhane ke liye, makers ne social media pe announce kiya hai ki Pushpa 2 ka theatrical trailer 17 November 2024 ko shaam 6:03 baje launch kiya jayega. Announcement ke saath ek dhamakedar poster bhi share kiya gaya, jisme Allu Arjun apne massy avatar mein gun ke saath swag dikhate nazar aa rahe hai. Trailer launch event Patna mein hoga, jisse fans ke liye yeh ek badi celebration hogi.

Pushpa 2: The Rule

ek pan-India film hone ja rahi hai, jisme Rashmika Mandanna female lead hai aur Fahadh Faasil ek powerful villain ke role mein wapas aa rahe hai. Cast mein Sunil, Ajay, Jagadeesh, Anasuya aur naye star Sreeleela bhi hain, jo film ke narrative ko aur bhi impactful banayenge.

Mythri Movie Makers ke banner tale bani is film ki music Devi Sri Prasad ne compose ki hai, aur Thaman ne bhi extra scores diye hain, jo ek electrifying cinematic experience dene ka wada karte hai. Trailer launch ab door nahi, aur fans ko is film se aur bhi exciting updates milne ki umeed hai jaise release date kareeb aati hai.

Sources ke mutabik, JioCinema ke business head Ferzad Palia apni position se resign karne wale hai. Palia kuch mahine tak company mein rahenge, taaki Viacom18 aur Disney ke merger ke transition smoothly ho sake.

Palia, Viacom18 group ke ek important employee rahe hain aur unhone pichle 20 saalon mein digital aur media platforms par kai consumer-facing businesses ko lead kiya hai. JioCinema mein, Palia subscription video-on-demand (SVOD) aur ad-supported business ke zimmedar the.

April 2024 mein JioCinema ke premium offering launch ke baad,

sirf 6 mahine mein platform ne lagbhag 20 million paid subscribers hasil kiye. Ad-supported segment mein, Palia ne platform ko 250 million se zyada monthly active users attract karne mein madad ki.

Isse pehle, Palia Voot Select, Viacom18 ka OTT premium offering launch karne mein bhi kaafi madadgar rahe jo baad mein JioCinema mein integrate kiya gaya. Wo youth, music aur English entertainment ke head bhi rahe hain, aur English General Entertainment mein Viacom18 ke expansion ko bhi unhone hi conceptualize aur lead kiya.

Naye episode mein Kapil Sharma ne apne show per thriller film Do Patti ki star cast ka swagat kiya, jisme Kajol, Kriti Sanon, Shaheer Sheikh, aur writer Kanika Dhillon shamil the. Film mein Kajol pehli baar police officer ka role nibha rahi hai, aur Kriti Sanon ek challenging double role mein hai.

Kapil ne apne khas andaaz mein

Kajol aur Kriti ko stage per bulaya aur ek mazedaar joke maara, jisse audience hasi se lotpot ho gayi. Usne kaha, “Ek woh hai jinko main college time se pasand karta hu, dusri woh hai jo mujhe apne college time se pasand karti hai.” Kriti ne apne double role ke baare mein bataya ki 70-80% scenes mein usne khud se interact karna tha, jo har scene mein alag style aur mood mein shift hone ka challenge tha.

Jab Shaheer Sheikh aur Kanika Dhillon stage per aaye, Kapil ne Shaheer ka parichay ‘Indonesia ka Shah Rukh Khan’ kehke diya. Shaheer ne haste hue bataya, “Haan, kabhi kabhi waha mujhe SRK bulate hai, kyunki unke liye India ka matlab SRK hai.”

Kriti aur Kanika ne mazak mein kaha ki Shaheer ne ye film sirf Kapil ke show par aane ke liye sign ki hai. Kapil ne aur hasi-mazaak kiya, aur Shaheer ko tease kiya ki film mein usne “do Kritis” ke saath romance kiya hai. Shaheer bhi haste hue bola, “Aisa hi kuch hai.”

Moneycontrol.com ke reviewer Deepansh Duggal ne Do Patti ke review mein likha, “Ye poori tarah Kriti Sanon ka show hai. Usne Saumya ke shant swabhav ko aur Shailee ke wild, carefree attitude ko ekdum khubsoorati se balance kiya hai.”

Actor aur Bigg Boss Kannada ke host Kichcha Sudeep ki maa, Saroja Sanjeev, ka nidhan ho gaya. India Today ke mutabik, voh 86 saal ki thi aur 20 October, Sunday ko Bengaluru mein hospital mein ilaj ke dauran unka dehaant hua. Unki tabiyat kaafi dinon se kharab chal rahi thi, jiske baad unhe hospital mein admit kiya gaya tha. Sudeep aur unki family ke liye desh bhar se condolences aa rahe hain.

Saroja ji ki maut subah 7 baje ke aas-paas Apollo Hospital, Jayanagar, Bengaluru mein hui. Reports ke mutabik, unhe umar se judi health complications ka samna tha. Doctoron ki puri koshish ke bawajood, unki tabiyat stable nahi ho payi aur unhone subah ke early hours mein apni antim saans li.

Karnataka ke Deputy Chief Minister DK Shivakumar ne Sudeep ke liye apne shok sandesh ko X (pehle Twitter) par post kiya. Unhone ek tasveer share karte huve likha, “Kichcha Sudeep ki maa Mrs. Saroja ke nidhan ki dukhad khabar suni. Unki aatma ko shanti mile aur Sudeep aur unki family ko iss dukh ko sahne ki shakti prapt ho. Om Shanti.”

Sudeep ke upcoming film Max ke director,

Michael Arun, ne bhi apni shok vyakti ki. Unhone X par post karte hue kaha, “Meri shok sanvednayein aap aur aapke parivaar ke saath hain, @KicchaSudeep Sir. Aapko kitna apna parivaar pyaara hai, yeh sab jaante hain. Iss kathin samay mein, Bhagwan aapko shakti dein. Prayers from #MaxTheMovie direction team.”

Apni Maa ke Saath Rishta

Sudeep apni maa Saroja se kaafi kareeb the. Unhone aksar social media par unke saath pictures share ki hain, chahe woh Mother’s Day ho ya phir unki maa ka birthday. 2019 mein, unhone ek post kiya tha, jisme unhone apni maa ke liye ‘unconditional love’ ke liye unka dhanyavaad kiya aur kaha, “Aapne mujhe sab kuch diya, maa. Har choti badi khushi mein aap hamesha mere saath thi.”

2020 mein apni maa ke birthday par, unhone ek emotional note likha tha jisme kaha, “Aapne mujh par tab vishwas kiya jab kai log mujh par bharosa chhod chuke the. School se prize jeet kar aane par jo khushi aapke chehre par hoti thi, aaj bhi woh khushi main aapme dekh sakta hoon, chahe woh ek chhoti si post ho. Happy Birthday amma… dua karta hoon ki aap hamesha humare saath rahein.”

Salman Khan ke khilaaf Lawrence Bishnoi ke death threats ko veteran screenwriter Salim Khan ne sirf ek “extortion” ki chaal bataya hai. Salim Khan ka kehna hai ki Salman Khan 1998 ke blackbuck case mein kabhi involved nahi the, aur Bishnoi ka yeh kehna ki Salman ko maafi tab milegi jab wo jaanwar maarne per maafi maangenge, bilkul galat hai kyunki Salman ne aisa kuch kiya hi nahi.

ABP News ko diye ek interview mein, Salim Khan se Salman ke blackbuck incident mein alleged involvement ke baare mein poocha gaya jo Rajasthan mein “Hum Saath Saath Hai” ki shooting ke dauran huva tha. Salim ne kaha, “Salman ko jaanwaro se bohot pyaar hai. Uske paas ek dog tha jise wo bohot pyaar karta tha, jab wo mar gaya toh Salman roya tha. Maine usse poocha, ‘Blackbuck incident mein tumhara kya role tha?’ Usne kaha, ‘Main wahan tha hi nahi.’ Wo mujhse kabhi jhoot nahi bolta. Usse jaanwar maarne mein koi dilchaspi nahi hai, wo jaanwaro se pyaar karta hai.”

Salim Khan ne yeh bhi bataya ki unke ghar mein kabhi kisi ne gun use nahi ki, toh shikar karne ka sawaal hi paida nahi hota. Baba Siddique, jo Salman ke kareebi dost the, unki brutal murder Bandra mein huvi thi aur allegations lage ki Lawrence Bishnoi ke gang ka haath tha. Yeh bhi kaha gaya ki Salman Khan ke blackbuck case ne iss murder ko trigger kiya tha, kyunki Baba Siddique superstar ko protect kar rahe the.

Salman Khan ke Bishnoi community se maafi maangne ke baare mein jab poocha gaya,

Salim Khan ne kaha, “Agar wo maafi maangta hai toh iska matlab hoga ki wo crime accept kar raha hai jo usne kabhi kiya hi nahi. Salman ne kisi jaanwar ko nahi maara, na hi maine, humne kabhi ek cockroach tak nahi maara.”

Isi beech, Navi Mumbai police ne ek shakhs ko Haryana se arrest kiya, jo allegedly Salman Khan ke Panvel farmhouse ka recce kar raha tha February mein. Yeh mana jaa raha hai ki Salman Khan par hamla karne ki yeh doosri planning thi, pehli planning Bandra mein unke ghar ke baahar firing ke roop mein April 14 ko hui thi.

Mumbai aur Navi Mumbai mein Salman Khan ke khilaaf planning karne ke peeche Lawrence Bishnoi ka haath mana jaa raha hai, aur police ka yeh maan na hai ki yeh Bishnoi ki taraf se Mumbai mein apni jagah banane aur extortion shuru karne ki koshish hai.