Actors Aditi Rao Hydari aur Siddharth ne ek khubsurat South Indian style mein shadi kar li. Dono ne apni wedding photos Instagram pe share ki, jisme bride aur groom ethnic outfits mein dikhayi diye. Shadi mein dono ke kareebi dost aur family members shamil huve the.

Yeh ek intimate wedding thi, jo ek historical temple mein huvi. Aditi ne apni shaadi ki photos ek pyare caption ke saath share kiya, “You are my Sun, my Moon, and all my Stars. To being Pixie Soulmates for eternity, to laughter, to never growing up. To Eternal Love, Light & Magic Mrs & Mr Adu-Siddhu (sic).”

Aditi ne apne bridal look ke liye stunning tissue organza lehenga pehna, jo golden Zari work ke saath decorate kiya gaya tha. Usne apne lehenga ko matching golden blouse ke saath team kiya, jisme stripes aur hand-embroidered border tha. Bridal look ko complete karne ke liye Aditi ne gold aur ruby traditional jewellery aur loosely tied braid mein Gajra lagaya. Groom Siddharth ne simple Kurta aur traditional Veshti bottom pehna, jisme subtle embroidery thi.

Wedding ceremony subah ke waqt hui, South Indian customs ke mutabiq. Photos mein photographer Joseph Radhik ne sunrise capture kiya, jo backgound mein dikh raha tha. Aditi aur Siddharth camera ke samne bohot khush dikhayi diye.

Aditi Rao Hydari –Siddharth ka pyaar ka safar

Dono pichle kuch saalon se dating kar rahe the. Unhone is saal apni engagement announce ki thi aur ab 16 September, Monday ko chupke se shadi karli. Vogue ke saath interview mein, Aditi ne Siddharth ke proposal ka moment share kiya, jisme usne kaha ki sab kuch ek sapne jaisa laga.

Aditi ne bataya ki Siddharth unhe us jagah lekar gaye jaha vo apni Nani ke saath badi huyi thi, kyunki Siddharth ko unki Nani se kitna pyaar tha, yeh pata tha. “Woh ghutne ke bal baith gaye aur maine pucha, ‘Ab kya kho diya? Kis ke jooton ki lace khuli hai?’ Usne kaha, ‘Addu, meri baat suno’, aur phir propose kiya. Usne kaha ki us jagah mujhe lekar aana chahta tha jo mere bachpan ke yaadon se judi thi,” Aditi ne kaha.

Dono pehli baar 2021 mein apni Telugu film Maha Samudram ke set pe mile the. Aditi ne yaad kiya ki Siddharth ne unhe greet kiya aur kaha, “Hello, beautiful girl”. Aditi ne kaha ki surprisingly, unhe yeh bilkul awkward nahi laga, balki yeh moment bohot genuine tha. Aditi ne interview mein ye bhi kaha ki agar dono pehle kabhi teenagers ke roop mein milte, toh tabhi pyar ho jata.

Rajkumar Rao aur Tripti Dimri ki upcoming film “VICKY VIDYA KA WOH WALA VIDEO” ka trailer release ho chuka hai. Kaafi dino se is film ko lekar charcha bani huvi thi, aur ab finally, trailer se story ka pata chal gaya hai. Yeh trailer reveal karta hai ki film ki kahani Viky aur Vidya ke uss video ke ird-gird ghoomti hai jo unhone apni Suhaag Raat per banayi thi. Yeh video ek CD mein save kiya jata hai, lekin unke ghar mein chori hoti hai aur wo CD bhi chori ho jati hai. Iske baad Vidya aur Viky us CD ko dhundhne nikalte hai, aur beech mein Viky ek murder case mein fas jata hai.

VICKY VIDYA KA WOH WALA VIDEO –Trailer kaisa hai?

Trailer kaafi zabardast aur entertaining hai. Rajkumar aur Tripti ki acting se le kar dialogues tak sab kuch fresh lag raha hai. Film mein Mallika Sherawat aur Tiku Talsania jaise actors bhi kaafi arse baad nazar aane wale hai. Mallika apne bold andaaz mein dikhengi, aur Vijay Raaz ki comedy aur dialogues is film mein ek alag charm le kar aa rahe hai.

Is film ko Raj Shaandilyaa ne likha aur direct kiya hai. Cast mein Rajkumar, Tripti, Vijay Raaz, Mallika Sherawat, Tiku Talsania, Archana Puran Singh, aur Rakesh Bedi jaise actors hain. Film 11 October ko release hone wali hai, aur fans kaafi excited hain dekhne ke liye ki yeh CD aur murder case ka raaz kya hai.

Hindi film ‘The Buckingham Murders’ ka official trailer release ho chuka hai, jisme Kareena Kapoor Khan aur Ranveer Brar lead roles mein hain. Is movie ko Hansal Mehta ne direct kiya hai aur Shobha Kapoor, Ektaa R Kapoor aur Kareena Kapoor Khan ne produce kiya hai. Trailer dekhne ke liye video per click karein

Alia Bhatt, jo Indian cinema ki top talents mein se ek mani jati hain, ab ek successful producer ke roop mein bhi apne aap ko sabit kar rahi hain. Darlings ki success ke baad, Alia wapas producer ki seat per baithegi apni naye film Jigra ke liye, jo ek action-packed prison break film hai. Is film ko Vasan Bala ne direct kiya hai aur Vedang Raina bhi isme mukhya bhumika mein nazar aayenge. Yeh film ek behen ki kahani hai jo apne bhai ko bachane ke liye kisi bhi hadd tak ja sakti hai.

Jigra teaser trailer ki shuruaat

ek serious Alia Bhatt ke saath hoti hai, jo apne bhai ke liye apne gehre emotional rishte ke baare mein baat karti hai. Alia ka character kehta hai ki uske zindagi mein uska bhai hi sab kuch hai, jo waqt ke saath ek race lad raha hai.

“Phoolon ka Taaron ka” gaana background mein bajta hai, aur humein dikhaya jata hai kaise Alia Bhatt ek khoon se lipti huvi fighter ke roop mein apne bhai ko bachane ke liye sab kuch karti hai. Vedang Raina ne uske bhai ka kirdar nibhaya hai jo ek foreign jail mein band hai. Is mushkil kaam mein Manoj Pahwa aur Rahul Ravindran unki madad karte hain.

Jigra teaser trailer mein emotional sibling bond aur high-action sequences ka perfect combination dikhaya gaya hai. Alia ka character prison ki deewarein todta hai, bullets se bachti hai, cars ke saath fire blasts face karti hai, aur sirf apne bhai ko gale lagane ke liye sab kuch jhelti hai.

Alia Bhatt ke saath Karan Johar, Apoorva Mehta, Shaheen Bhatt, aur Somen Mishra bhi film ko produce kar rahe hain, aur Marijke DeSouza is film ki co-producer hain. Debashish Irengbam aur Vasan Bala ne Jigra ko likha hai, jo ek gripping story ka wada karti hai. Yeh film 11 October ko release hogi, aur Alia ke fans besabri se unhe ek powerful role mein dekhne ka intezaar kar rahe hain.

Director Koratala Siva ke upcoming action drama Devara: Part 1 ka trailer finally release ho gaya hai, aur yeh ek electrifying experience ka waada kar raha hai. Jr NTR, Saif Ali Khan, aur Janhvi Kapoor lead roles mein hain, aur trailer mein mass masala entertainer ke sab elements mile hue hain.

159-second ka trailer ek aise group se shuru hota hai jisse sab darte hain. Jab ek insaan doosre se puchta hai, “Yeh kaun log hain?” toh jawab milta hai Saif Ali Khan ke character ke gang ka: “Yeh log na caste maante hai, na religion. Inko kabhi dar ka ehsaas nahi huva.” Trailer mein hint diya gaya hai ki ek zabardast showdown hone wala hai. Trailer mein warning milti hai, “Yeh Red Sea ki kahani hai, jo khoon se likhi gayi hai.” Phir Devara ka introduction hota hai, aur Saif ka character kehta hai, “Jab tak tum ho, yeh pahaad sirf tumhare orders maanege.”

Yahan Dekhein Devara Trailer

Trailer se yeh bhi pata chalta hai ki film mein ek nahi, balki do Jr NTR dikhai denge — ek Devara aur doosra uska beta. Lekin Devara ke contrast mein, uska beta ek ‘harmless’ insaan hai. Janhvi Kapoor ka character kehta hai, “Usne apne baap ka bas chehra paya hai, himmat nahi.” Lekin jaise-jaise promo aage badhta hai, yeh reveal hota hai ki Devara ka beta bhi us arena mein utarna padta hai jisse woh kabhi dar gaya tha. Trailer high-octane action sequences se bhara hua hai, aur bina zyada reveal kiye suspense bana ke rakhta hai.

Yeh Janhvi Kapoor ki pehli South Indian film hai — jahaan unki maa Sridevi decades tak chhayi rahi thi. April 2021 ke announcement se film kaafi buzz mein hai. Ab tak makers teen songs release kar chuke hain — mass-worthy “Fear Song,” romantic melody “Chuttamalle” aur fast-paced “Daavudi.” Official trailer ne buzz aur badha diya hai, kyunki yeh Jr NTR ka RRR ke global success ke baad big screen pe return mark kar raha hai.

Jr NTR, Janhvi Kapoor aur Saif Ali Khan ke alawa film mein Prakash Raj, Srikanth, aur Shine Tom Chacko bhi key roles mein hain. Film do parts mein release hogi, aur pehla chapter 27 September ko release hone wala hai. Is movie ko Yuvasudha Arts aur NTR Arts ne jointly produce kiya hai, aur Rathnavelu ISC ne iska cinematography sambhala hai, music Anirudh Ravichander ne diya hai, production design Sabu Cyril ka hai, aur editing Sreekar Prasad ne kiya hai.

Devara trailer ne fans ke beech ek naye excitement ko janam diya hai, aur ab sabko intezaar hai is much-awaited film ke release ka.