Indore-Jabalpur Express train ke 2 coaches Saturday subah patri se utre jab train Jabalpur station ke paas pohonch rahi thi. Madhya Pradesh mein huve iss incident mein koi passenger injured nahi huva. Ye derailment subah 5.40 baje ke aas-paas hua, jaise railway officials ne bataya.
Restoration ka kaam chal raha hai aur ek committee banayi gayi hai jo iss incident ki jaanch karegi. Jabalpur station West Central Railway (WCR) zone ke andar aata hai.
Ek official ke mutabiq, “Indore-Jabalpur Superfast Express (22191) ke 2 coaches tab derail hue jab train platform no. 6 ke paas thi.” Ye coaches engine ke bilkul peeche the aur derailment platform se 50 meters door hua.
WCR ke Jabalpur Rail Division ke
senior Divisional Commercial Manager, Madhur Verma ne bataya, “Train ka scheduled time 5.35 baje tha aur derailment 5.38 baje hua jab train station mein enter kar rahi thi. Loco pilot ne turant train roki, jis wajah se aur coaches bach gaye.”
Derailed coaches ke andar koi passenger injured nahi huva aur passengers ko train se utara gaya. Track par traffic ko aadha ghanta ke liye rok diya gaya.
Ek multi-departmental inquiry committee banayi gayi hai jo is incident ki jaanch karegi. Is incident ka railway traffic per major asar nahi huva kyunki sirf platform no. 6 ko operations ke liye band kiya gaya hai.
WCR ke chief public relations officer, Harshit Shrivastava ne bataya, “Train sirf 5 kmph ke speed per thi jab derailment huva.” Probe ke baad derailment ka exact reason pata chalega. Route per railway traffic normal hai aur derailed coaches ko wapas re-rail karne ki koshish ki ja rahi hai.
