Do young engineers ne ek aisa safety project reveal kiya hai jo air travel ko “crash-proof” banane ka daawa karta hai. Ye idea ek AI-powered airbag shield par based hai, jo aircraft crash hone ki situation me automatically deploy hoke impact ko absorb karega. Is futuristic concept ka naam rakha gaya hai Project REBIRTH, aur isse design karne ke peeche Ahmedabad Air India crash ka dardnaak incident hai, jisme 260 logon ki jaan gayi thi.
June 2025 me Ahmedabad Air India crash ek aisa accident tha jo aviation history me hamesha yaad rakha jayega. Plane hostel mess par crash hua tha, jisme flight ke andar ke logon ke sath ground par bhi logon ki maut ho gayi thi. Isi tragedy ke baad engineers Eshel Wasim aur Dharsan Srinivasan ne decide kiya ki aviation industry me ek aisa system hona chahiye jo “second chance” de.
Unke mutabiq, “Project REBIRTH laboratory me nahi, balki heartbreak se paida hua. Accident ke baad meri maa ne raaton ko neend khona shuru kar diya. Woh passengers aur pilots ki helplessness ke baare me soch rahi thi. Ussi emotion se research aur design shuru hua.”
Crash-Proof Plane Kaise Kaam Karega?
Engineers ne jo visuals aur description share kiya hai uske mutabiq, crash-proof system kuch is tarah se kaam karega:
- Agar flight ke engines fail ho jayein ya crash situation ho, to AI system automatic detect karega.
- Immediately plane ke bahar smart airbags inflate ho jayenge, jo poore aircraft ko ek cocoon ki tarah cover karenge.
- Ye airbags shock absorb karenge aur crash ke impact ko soft landing me badalne ki koshish karenge.
- System ke andar impact-absorbing fluids, smart seat liners, reverse thrust technology aur rescue signals bhi honge.
Unhone apne design ko ek sentence me explain kiya:
“AI detects failure, airbags deploy, cocoon form hota hai, impact absorb hota hai — aur passengers survive kar jate hain.”
Social Media Par Mixed Reactions
Jab se ye crash-proof plane ka idea public hua hai, social media par logon ki mixed reactions aa rahi hain.
Ek user ne likha: “Agar ye sach me kaam kare to turant implement karo.”
Doosre ne comment kiya: “Better planes build karo, airbags ki zarurat hi nahi padegi.”
Ek aur ne mazaak banate hue kaha: “Socho agar ye mid-air galti se deploy ho gaya to?”
Kisi ne Elon Musk ka zikr karte hue likha: “Shayad Elon Musk ise reality bana sake.”
Ye reactions dikhate hain ki aviation enthusiasts aur aam log dono curiosity ke sath saath skepticism bhi feel kar rahe hain.
Engineers ki Future Planning
Eshel aur Dharsan ne “Project REBIRTH” ko James Dyson Award me submit kiya hai. Ab unka agla step working models banana aur lab testing karna hai.
Unhone announce kiya:
“Agale 5 saalon me hum REBIRTH ko real flights me test, approve aur implement karna chahte hain. Hum chahte hain ki crash survival ek miracle na ho, balki ek standard ban jaye.”
Kya Ye Aviation Industry Ko Badal Dega?
Aviation experts ka kehna hai ki idea futuristic hai, lekin implement karna easy nahi hoga. Planes ki structure, aerodynamics aur cost factor ek bada challenge banenge. Lekin agar system successfully develop hota hai, to ye duniya ke aviation safety standards ko redefine kar sakta hai.
Project REBIRTH filhaal ek concept hai, lekin agar isme progress hoti hai to “crash-proof” technology aviation industry ke liye ek game-changer sabit ho sakti hai.
