Karnataka ke Belagavi district ke Hulikatti gaon mein ek sarkari school ke pani ke tank mein zehr milane ka mamla samne aaya hai. Police ne bataya ki ye sazish school ke Muslim headmaster Suleman Gorinayak ko nishana banane ke liye rachi gayi thi. Iss ghatna ke baad 12 bacche bimaar pad gaye jisme se 11 ko turant hospital mein bharti karaya gaya.

Sri Ram Sene leader Sagar Patil giraftar

Saundatti Police ne janch ke baad bataya ki Sri Ram Sene ke neta Sagar Patil ne apne dharmik pakshpat ke chalte headmaster ko hataane ke iraade se ye saazish rachi thi. Police ke mutabik, Sagar Patil ne ek gaon wale Krishna Madar ko dhamka kar aur uske ek personal rishte ko expose karne ki dhamki dekar is saazish mein shaamil kiya.

Zehr wali bottle school ke chhote bacche se tank mein dalwayi

Police ne bataya ki Krishna Madar ne apne saathi Naganagouda Patil ke saath milkar Munavalli se pesticide kharida. Us pesticide ko ek soft drink bottle mein bhar kar ek school ke minor bacche ko Rs 500, kuch snacks aur chocolates dekar school ke paani ke tank mein milane ko kaha gaya. Baccha tank tak gaya aur bottle ka zehr paani mein milakar chala gaya.

12 bacche bimaar, sabhi stable condition mein

Yeh haadsa 14 July ko hua jab bachon ne school ka contaminated paani piya. 12 students turant bimaar ho gaye jisme se 11 ko hospital mein bharti karaya gaya. Doctors ne turant ilaaj karke unhe stable condition mein la diya. Filhal sabhi bachon ki tabiyat theek hai.

Police ne teenon mulzim ko giraftaar kiya

Superintendent of Police Dr. Bhimashankar Guled ne press conference mein bataya ki Sagar Patil, Krishna Madar aur Naganagouda Patil teeno ko giraftaar kar liya gaya hai. Unke khilaf Saundatti Police Station mein FIR darj ki gayi hai aur aage ki janch jaari hai.

13 saal se school mein seva de rahe the Muslim headmaster

Headmaster Suleman Gorinayak pichhle 13 saal se Government Higher Primary School, Hulikatti mein seva de rahe the. Unka record spotless tha. Yeh puri saazish sirf unke dharm ke aadhaar par ki gayi, jo ki samvidhanik roop se na keval galat balki ghatiya mansikta ka pramaan bhi hai.

Samaj mein gusse ka mahaul, rajneetik partyyon ne ki ninda

Iss ghatna ke baad local community mein gussa hai. Kai political partyyon aur human rights organisations ne is ghatna ki kadi ninda ki hai. Logon ne demand kiya hai ki mulzimon par sakht se sakht karwai ki jaye aur aise hate crime par rok lagayi jaye.

Local log aur teachers Suleman Gorinayak ke support mein khade ho gaye hain. Unka kehna hai ki Suleman sir ek imaandar aur samarpit shikshak hain, aur unke saath hua ye haadsa pura samaj ke liye sharmnaak hai.

Bengaluru ki ek vishesh adalat ne Saturday ko former MP aur suspended JD(S) neta Prajwal Revanna ko life imprisonment ki saza sunayi hai. Saath hi court ne unpar ₹10 lakh ka jurmana bhi lagaya hai. Yeh faisla ek 48 saal ki mahila ke sexual assault case me aaya hai, jo unke ghar me house help ke roop me kaam karti thi.

Ghar ki helper ke saath do baar rape, video bhi shoot kiya gaya

2021 me huva yeh ghatna Hassan district ke Holenarasipura ke Gannikada farmhouse aur Bengaluru residence me anjaam di gayi thi. Victim ka ilzaam hai ki Prajwal ne uske saath do baar rape kiya aur unhi moments ka video apne mobile phone se shoot bhi kiya. Yeh video baad me viral huva, jiske baad FIR darj huvi.

Family background per diya emotional statement

Court me sunwai ke dauran 34 saal ke Prajwal Revanna emotional ho gaye. Unhone kaha, “Maine kuch galat nahi kiya. Mera ek hi kasoor hai — rajneeti me meri tez taraqqi.” Unhone apne engineering background ka zikar karte huve kaha ki unhone hamesha merit se safalta hasil ki.

Court ko unhone ye bhi kaha ki victim ne kabhi apne pati ya kisi aur ko rape ke baare me nahi bataya. Unke mutabik, “Jab kuch videos viral huve tab jaake unhone complaint file ki.”

Prosecution ne court me kya kaha?

Special Public Prosecutor Ashok Nayak aur Additional SPP B N Jagadeesha ne kaha ki court ne prosecution ka pura case maana hai aur sabhi charges me doshi paya.

Unhone kaha:

• 26 gawahon ko court me pesh kiya gaya.
• 180 documents submit kiye gaye.
• Victim ki testimony ke saath digital aur DNA evidence bhi diye gaye.
• Forensic lab reports bhi court me pesh hui.

Sabse important evidence tha victim ke kapde, jo crime ke 3–4 saal baad bhi recover kiye gaye. Digital video footage, jo accused ne khud banayi thi, bhi court me present ki gayi.

Legal charges aur SIT ki investigation

Prajwal Revanna sentenced to life imprisonment hone ke piche SIT ki gehri investigation hai. SIT ne is case me 1,632-page ka charge sheet file kiya tha, jisme 113 witnesses ka zikar tha.

Unpar lagaye gaye IPC aur IT Act ke mukhya sections:

• IPC 376(2)(k) – Power ka misuse kar rape
• IPC 376(2)(n) – Ek hi mahila ke saath bar-bar rape
• IPC 354A/B/C – Sexual harassment, disrobing, voyeurism
• IPC 506 & 201 – Dhamki aur saboot mitana
• IT Act Section 66E – Privacy ka ullanghan

Lok Sabha election ke pehle hi expose huve cases

Yeh cases us waqt saamne aaye jab 2024 ke Lok Sabha chunav Hassan me hone wale the. Election se sirf 6 din pehle kuch pen drives Hassan me circulate hui, jisme allegedly Prajwal ke sexual acts record the.

31 May 2024 ko jab Prajwal Germany se Bengaluru Airport aaye to unhe SIT ne arrest kar liya tha. Arrest Holenarasipura Town Police Station me darj ek case ke chalte hua.

Prajwal ki political journey aur downfall

Prajwal Revanna former PM H D Deve Gowda ke grandson hai, aur Karnataka ke former minister H D Revanna ke bete. Union Minister H D Kumaraswamy unke uncle hai.

Unhone 2019 me Hassan se Lok Sabha seat jeeti thi, lekin 2024 ke elections me woh haar gaye. In allegations ke baad JD(S) party ne unhe suspend kar diya tha.

Court ka final decision aur punishment details

Judge Santosh Gajanan Bhat ne unhe sabhi charges me doshi paaya. Court ne:

• Life imprisonment ki saza di
• ₹10 lakh ka fine lagaya
• ₹7 lakh victim ko compensation dene ka order diya

Court me judgement sunte waqt Prajwal ro padhe aur kaha ki “Mujhe kam se kam saza di jaye. Maine maa-baap ko 6 mahine se nahi dekha.”

Prajwal Revanna ke liye kanoon ne diya saaf message

Is faisle ke baad yeh saaf ho gaya hai ki power aur political influence hone ke bawajood bhi agar koi vyakti kanoon todta hai, toh usse saza milti hi hai. Prajwal Revanna sentenced to life imprisonment ek misaal hai ki victim ke saath insaaf ho sakta hai, chahe samajik ya rajneetik status kuch bhi ho.

Former Hassan MP aur JD(S) neta Prajwal Revanna ko Bengaluru ki ek special court ne ek rape case mein doshi thahara diya hai. Ye un chaar sexual abuse cases mein se pehla hai jisme unke khilaaf FIR darj huvi thi.

Prajwal Revanna Per Ghar ke kaam karne wali mahila ke saath balatkaar ka aarop

Yeh case ek 47 saal ki domestic worker ke complaint per aadharit tha jise Prajwal ne apne farmhouse mein rape kiya tha. Usne yeh bhi aarop lagaya tha ki Prajwal ne iss ghatna ka video record karke viral karne ki dhamki di thi.

Ye complaint 28 April 2024 ko Hassan ke Holenarasipura Town Police Station mein darj huvi thi.

Court ne sabooton ke aadhar par liya faisla

Judge Santhosh Gajanan Bhat ne verdict sunaya. Court ne Google Maps data aur mobile phone records jaise digital sabooton par dono taraf ke vakilon se clarification liya tha. 18 July ko trial khatam hua, aur 1 August ko court ne verdict sunaya.

Kal (Saturday) ko court saza sunayegi.

SIT ne ki thi detailed investigation

Is case mein Special Investigation Team (SIT) ne 1,632-page chargesheet file ki thi. Investigation ke dauraan victim ko allegedly Revanna parivar ke kehne per kidnap kiya gaya tha, taki vo gawahi na de sake.

Baad mein victim ko SIT ne K.R. Nagar, Mysuru ke ek farmhouse se rescue kiya tha.

Lok Sabha Chunav ke turant baad chhidi thi scandal

Prajwal Revanna, former PM H.D. Deve Gowda ke potey hain, aur JD(S) ke powerful netaon mein gina jaata hai. Un per total chaar rape aur sexual abuse cases darj hain.

Yeh poora matter tab saamne aaya jab Lok Sabha elections ke ek din baad, kai obscene videos viral huve jisme multiple women ka abuse dikh raha tha.

Investigation mein pen drives aur digital proof bhi Hassan se baramad kiye gaye.

Scandal ke turant baad desh chhod kar bhaag gaya tha Prajwal

Jab scandal ka shor macha, Prajwal Revanna 27 April 2024 ko desh se bhaag gaya. Iske baad unke khilaaf lookout notice jaari ki gayi.

Lambi legal process ke baad, Prajwal ko Bengaluru Central Jail, Parappana Agrahara mein 14 mahine se band rakha gaya hai.

Karnataka ke Chief Minister Siddaramaiah ne ek baar phir BJP per chunavi ghotale ka aarop lagaya hai. Unhone kaha ki Rahul Gandhi jo keh rahe hain, woh sach hai — ki asli voters ka naam list se hataaya ja raha hai aur farzi logon ke naam jode ja rahe hai.

Unka kehna hai ki Maharashtra, Haryana aur Karnataka me aise kaam ho chuke hai, aur ab yeh log Bihar me bhi isi tarah ka plan bana rahe hai.

Siddaramaiah ne BJP per nationwide voter list manipulation ka ilzaam lagaya aur Election Commission ko bhi isme zimmedar bataya. Unhone kaha, “Election Commission ab independent constitutional body nahi raha. Wo sarkar ke dabav me kaam kar raha hai.”

Unhone yeh bhi kaha ki democracy khatre me hai, aur isi wajah se Congress party poore desh me ek campaign chalane wali hai, jisme voter list ghotale aur electoral reforms per focus hoga.

Caste census ko lekar bhi unhone strong statement diya. Unka kehna hai ki har state ko caste-based census shuru karna chahiye jo ki economic, educational aur political analysis per based ho.

“Independence ke baad har vyakti ka status pata chalna chahiye — kya us tak barabari pahunchi ya nahi?” — yeh keh kar Siddaramaiah ne samvidhaan ke asli maksad ko yaad dilaya.

Unhone yeh bhi clarify kiya ki wo OBC advisory committee ke convenor nahi hain, balki sirf ek sadasya hai Anil Jaihind ke netritva me.

Karnataka ke apne caste census per CM ne bataya ki authorities ko 3 mahine ka samay diya gaya hai aur umeed hai ki wo time per data collect kar lenge.

Mysuru ke MUDA scam per Siddaramaiah ne kaha

ki unke khilaaf jo case file kiya gaya hai, wo jhootha hai. “Na to PMLA ka issue hai, na money laundering — bas mujhe aur mere parivar ko mentally torture kiya gaya,” unhone shikayat ki.

Supreme Court ke strong remarks ka swagat karte huve CM ne kaha, “Court ne sahi kaha ki agar politics karni hai to election me karo, ED ke zariye nahi. Ye warning BJP ke liye hai.”

June 4 ko Bangalore stadium me stampede se 11 logon ki maut per bhi CM ne update diya ki Cabinet ne retired HC judge Justice Michael D’Cunha ka report accept kiya hai.

CM ne bataya ki KSCA, RCB, DNA event agency aur kuch police officials ke khilaaf criminal case file kiya gaya hai. “Police officers ke khilaaf bhi inquiry hogi,” unhone jod kar kaha.

Karnataka ke Bidar district se ek dil dahla dene wali ghatna samne aayi hai jahan ek 4 saal ki chhoti bacchi ka kathit taur per school campus ke andar rape kiya gaya. Incident 23 July ko huva aur uske baad he case public ke samne aaya jab bacchi ghar lautne ke baad bleeding condition me paayi gayi.

FIR ke mutabiq, bacchi ko subah school drop kiya gaya tha by her father aur dopahar 2:30 baje pick kiya gaya. Jab wo ghar pahunchi aur kapde badalne lagi, uski maa ne dekha ki wo private parts se bleeding kar rahi thi.

Turant usse hospital le jaya gaya jahan wo ab ICU me treatment le rahi hai. Doctors ne condition ko serious bataya hai, lekin stable.

FIR Register, Police Investigation Shuru

Police ne abhi tak bacchi ka official statement record nahi kiya hai, lekin POCSO (Protection of Children from Sexual Offences) Act ke under case register kar liya gaya hai. Ab tak koi specific accused identify nahi huva hai, lekin investigation continue hai.

Police sources ke mutabiq, possibility hai ki ye bleeding kisi sexual assault ka result ho. Forensic examination aur medical tests ke zariye confirmation ki koshish ki ja rahi hai.

Ek Aur Similar Case Mandya Me Huva Tha

Isi mahine Karnataka ke Mandya me bhi similar ghatna hui thi jahan ek 21-year-old Praveen, jo Uttar Pradesh ke Lucknow ka rehne wala hai, usne ek 4 saal ki bacchi ka rape kiya.

Bacchi ke parents Bihar ke hain aur plywood factory me kaam karte hain. Jab bacchi apne doston ke saath khel rahi thi, Praveen ne use ek sunse jagah le jaakar allegedly assault kiya.

Baad me jab doston ne parents ko inform kiya to wo turant us jagah pahunch gaye aur accused ko coloro ke range haath pakad liya. Police ne use arrest kar liya.

Ye dono cases ne Karnataka me chhoti bachchon ki safety ko lekar public outrage aur concern badha diya hai. Parents aur activists demand kar rahe hai ki schools me strict monitoring aur child protection measures enforce kiya jaye.