Indians USA zyada number mein ja rahe hain, jabki baaki deshon ke tourists America se door bhaag rahe hain. Yeh baat recent surveys aur travel industry ke data se pata chali hai. Washington se TOI ki report:

2024 Mein Record-Breaking Indian Tourists

• Jan-Oct 2024 tak 1.9 million Indian visitors America pahonche
• 48% jump 2019 (pre-pandemic) ke comparison mein
• India ab USA ka 6th largest tourist market, China ko piche chhod kar

US National Travel and Tourism Office (NTTO) ke hisaab se, India Asia ka #1 outbound travel market ban chuka hai. Indian tourists ne 2022 mein $13.3 billion kharch kiye, aur ab 2024 mein yeh figure aur badh gaya hoga.

Indian Tourists Kharch Karne Mein Aage

NTTO ne bataya ki ek Indian tourist average $5,200 USA mein kharch karta hai. Yeh China, Japan, South Korea se zyada hai!

Europe, Canada Ke Tourists USA Se Door Kyun?

MAGA Ki Politics Ka Asar

Jab Indians USA aa rahe hain, tab Europe, Canada jaise countries ke tourists kam ho rahe hain. Iski wajah:

• Trade war ka dar
• MAGA supporters ka immigrants aur foreigners ke against harsh comments
• Canada, Mexico ke tourists bhi affect hue hain

2025 Ke Liye Bura Forecast

Tourism Economics ne apna forecast change kiya:

• Expected 9% growth ki jagah 9.4% decline
• March 2025 mein 11.6% drop YoY
• Canada se land arrivals 31.9% kam, air se 13.5% kam

NTTO ne bhi confirm kiya ki Q1 2025 mein international tourists 3.3% kam aaye. Mexico se air travel 23% gir gaya.

USA Ko Kitna Nuksan Hoga?

$64 Billion Ka Loss?

Experts ke hisaab se, agar yeh trend chalta raha, toh 2025 mein USA ko $64 billion ka nuksan ho sakta hai.

Trump Ki Controversial Batein

• US ko “ripped off” hone wala desh bataya
• Baaki countries ko “scavengers” bola
• Pregnant women ka “birthright citizenship tourism” pe concern

Travel Industry Ki Chinta

Visa Process Ko Improve Karne Ki Appeal

US travel industry leaders chahte hain ki:

• Visa process easy ho
• Immigration rules simple ho
• Customs clearance fast ho

White House Ka Tough Stand

Ek recent statement mein kaha gaya:
“30 din se zyada stay karne wale foreigners ko government ke saath register karna hoga. Nahin toh fine, jail ya deportation ho sakti hai.”

Lekin sach yeh hai:

• Aisa koi rule nahin hai
• Sirf visa overstay ya status change karne walon ko register karna padta hai

Kya Indians Par Asar Padega?

Abhi tak Indians par koi asar nahin dikh raha, lekin agar USA ka attitude aur strict ho gaya, toh future mein problem ho sakta hai. Filhaal, Indians USA jaane ke liye excited hain!

Internet sensation Dolly Chaiwala ab Maharashtra Assembly elections mein headlines bana rahe hain. Nagpur East constituency mein unhe Bharatiya Janata Party (BJP) ke liye campaigning karte dekha gaya. Dolly apni unique chai banane aur serve karne ke style ke liye famous hai. Woh Nagpur ke Sadar area ke purane VCA Stadium ke paas ek tea stall chalate hai, aur unke viral videos social media per kaafi popular hai.

Dolly Chaiwala ka asli naam abhi tak gupt hai, lekin internet per unki popularity kisi celebrity se kam nahi hai. BJP rally mein party leaders ke saath unki presence ne yeh speculation shuru kar di hai ki woh BJP join karne wale hai. Lekin abhi tak party ki taraf se is per koi official statement nahi aaya hai.

Kailash Vijayvargiya Ne Kiya Post

BJP ke senior leader Kailash Vijayvargiya ne Nagpur East constituency mein ek meeting ki pictures share ki, jahan BJP ke workers election strategies discuss kar rahe the. In photos mein Dolly Chaiwala bhi BJP ka stole pehne stage per leaders ke saath baithe dikhe. Vijayvargiya ne apne post mein Dolly ka zikr nahi kiya, lekin fans ab yeh jaanne ke liye curious hain ki Dolly ka campaign mein role kya hai.

Pramukh Vyaktiyon Ke Saath Mulakaat

Dolly Chaiwala Nagpur ke bahar bhi kaafi popular hain. April mein Gurugram mein ek YouTube influencer meet ke dauran unhone Haryana ke Chief Minister Nayab Singh Saini ko apni tapri-style ki chai serve ki thi. Ye moment social media par viral ho gaya tha.

February mein Microsoft ke founder Bill Gates ne Dolly ke saath ek post share ki thi. Is post mein ek video tha jisme Dolly apni chai banate aur serve karte dikh rahe the. Bill Gates ne unke innovative approach ki tareef karte hue kaha tha, “India mein aap har jagah innovation dekh sakte hain, even in something as simple as making a cup of tea!”

Dolly Chaiwala ka safar ek chhoti si tea stall se lekar influential figures ke saath encounters aur ab political campaigns tak kaafi inspiring hai. BJP ke saath unki association ke speculation chahe abhi bhi mystery ho, lekin ek baat clear hai—Dolly Chaiwala apna impact banane aaye hain, online aur offline dono jagah.

Delhi ki hawa ka quality Wednesday ko pehli baar iss season mein ‘severe’ category mein chala gaya, jab Air Quality Index (AQI) 418 tak pahunch gaya. Yeh sudden spike pollution level mein health aur safety ko lekar chinta bada raha hai.

Tuesday ko Delhi ka 24-hour average AQI,

jo roz 4 pm per record kiya jata hai, 334 tha, jo pehle se hi kaafi kharab tha. Lekin Wednesday ko subah 9 baje AQI reading 366 thi, jo ‘very poor’ category mein tha aur din mein severe limit ko cross kar gaya.

AQI scale per zero se le kar 50 ‘good’ air quality ko dikhata hai, 51 se 100 ‘satisfactory’, 101 se 200 ‘moderate’, 201 se 300 ‘poor’, 301 se 400 ‘very poor’, aur 401 se 450 ‘severe’ category mein aata hai. 450 ke upar readings ‘severe plus’ ka indication deti hai, jo extremely hazardous conditions ko represent karti hai.

Central Pollution Control Board (CPCB) ke data ke mutabik, Delhi ke 36 monitoring stations mein se 30 ne ‘severe’ air quality report ki. Ye widespread spike pollution mein vehicles, construction dust, aur pass ke states mein crop burning ke badhte emissions ko dikhata hai.

Winter ke aane se hawa aur bhi kharab hone ka chance hai kyunki thandi temperature aur low wind speed pollution ko ground ke paas hi trap karte hai, jisse air quality aur bhi down ho jati hai. Experts ka kehna hai ki jab tak pollution control ke liye strong steps nahi liye jayenge, Delhi ko bar bar aise air quality issues face karne padenge.

Bollywood actor Riteish Deshmukh ne kaha hai ki jo log apne dharm per khatra hone ka dawa karte hai, asal mein unki party khatre mein hai, aur wo prathna kar rahe hai apne party aur apne aap ko bachane ke liye. Ye bayan unhone Maharashtra ke Latur mein apne chhote bhai aur Congress ke candidate, Dhiraj Deshmukh, ke liye campaign karte hue diya. Dhiraj, jo Maharashtra assembly elections mein BJP ke candidate Ramesh Karad ke khilaf Latur (Rural) seat se khade ho rahe hai, unke liye Riteish ne ye rally address ki.

Riteish Deshmukh ne rally mein kaha,

“Bhagwan Krishna ne kaha karma hi dharma hai. Jo imandari se kaam karta hai, wahi dharm ka palan kar raha hai. Jo kaam nahi karte, unhe dharm ki zaroorat hai.” Unhone kaha, “Jo apne dharm ko khatre mein batate hai, asal mein unki party khatre mein hai aur wo apne dharm se apne party aur khud ko bachane ki prathna kar rahe hai. Unhe kehna chahiye ki hum apne dharm ka dhyan rakhenge, aap pehle vikas ki baat karein.”

Riteish ne rajya ke yuvaon ki berozgaari per bhi chinta vyakt ki aur kaha ki ye sarkar ki zimmedaari hai ki wo yuvaon ko rozgar dein. Saath hi, unhone kisano ki pareshani per bhi zor diya aur kaha ki unhe apne utpaad ka theek daam nahi mil raha hai.

Unhone 2019 ke assembly elections ko yaad dilate huve kaha ki us samay Dhiraj ne 1.21 lakh votes ke margin se jeet haasil ki thi. Riteish ne logon se appeal ki ki iss baar vote aise dein ki opposition candidate apni deposit bhi na bacha paaye.

West Bengal ke Nalpur mein Secunderabad-Shalimar Superfast Express ke 4 bogiyon ke patari se utar jane ki news mili hai. Ye incident aaj subah, 9 November 2204, ko takriban 5.30 baje huva. Railway officials jaldi se site per pahunch gaye aur rescue aur relief operation mein jud gaye hai. Railway authorities ka kehna hai ke koi major damage nahi huva hai aur koi casualty bhi nahi huvi. Sirf kuch yatrion ko halki chot lagi hai.

Ek engine aur 3 bogiyan patari se utar gaye the. Yeh train, train number 22850 Shalimar Mail Express, ek weekly special train hai. Railway ke mutabik, ek parcel bogi aur do passenger bogiyan bhi affected hai. Halka nukhsan hone ke bawajood officials ne damage control ke liye jaldi measures lena start kar diya hai.

Train Accident ke Hadsay ki Jaanch

Railway authorities ke according, is hadse ki proper investigation ki jayegi. Yeh dekha ja raha hai ke kya railway track mein koi fault tha ya driver ki taraf se koi lapse huva. Iske alawa, train mein technical fault hone ka bhi analysis ho raha hai. Jo passengers is train mein safar kar rahe the, unke liye alternate travel arrangements per bhi socha ja raha hai.

Kuch passengers ne bataya ke train ki speed normal se kam thi, lekin achanak ek jhatka laga aur kuch samay ke baad coach patari se utar gaye. Coach ke andar rakha samaan bhi niche gir gaya tha, aur train driver ne turant train ko rok diya.

Diversion aur Rasta Bandh

Iss train accident ke baad Howrah-Kharagpur rail route temporarily band kar diya gaya hai. Jab tak train ke affected coaches ko dubara patari per nahi laya jata, tab tak iss route per traffic ko divert kiya gaya hai. Officials ka kehna hai ke jaldi hi route wapas operational ho jayega aur trains ke chalne ka silsila dobara start hoga.